مع انطلاق برنامج قسمة ونصيب الموسم الثالث الذي يجمع صبايا و شباب عرب للتعارف في ڤيلا واحدة بتركيا للحصول على الحب الحقيقي ومع إطلالة العديد من المشاركين العرب تصدر البحث اسم المشتركة اللبنانية اللبنانية ساندرا الأسمر على صفحات منصات التواصل الاجتماعي والتي أثارت الجدل الإيجابي منذ بداية الحلقات
ساندرا الأسمر شخصية خفيفة الظل جريئة واضحة غير مصطنعة مع العلم انها عارضة أزياء وسيدة من سيدات الأعمال تملك شركة Black Angels Agency وكذلك تتميز بصوتها الجميل ومن المتوقع أن تدخل عالم الغناء والفن بالايام المقبلة .
وكان لنا لقاء مميز معها ودردشة مميزة بهيذا الحوار :
هل تندمين اليوم عن مشاركتها ببرنامج قسمة ونصيب الموسم الثالث
بحياتي ماندمت على شي باخذ قرارو بالحياة بالعكس كنت سعيدة وفرحاني بهالمشاركة الاستثنائية ويلي بعتبرها بداية حلوة لخطوات حلوة وجايي بالمستقبل
مين اكتر مشتركين بالموسم الثالث كنت قريبة منن بصراحة
بصراحة أنا بحب الكل وماعندي مشكل مع اي حدا بالبرنامج اما الأقرب بالشباب شربل واسمر ومرتضى واليكس وبالبنات عايشة وروبي وكل حدا عندو شخصية وتفكير مافينا نكون قراب من الكل والله يوفق الجميع
لو كنتي بالموسم الاول والثاني مين بتختاري كشباب تتعرفي عليهم
بالموسم الاول بختار خالد وايلي والموسم الثاني بختار علي وفارس للتعرف عليهم بحس شخصيتي قريبة من شخصيتن بحب الحياة والطاقة الإيجابية والفرح
برأيك شو لي ميزك بالموسم الثالث
انا كنت عم اتصرف ع طبيعتي متل ماانا بالحياة الطبيعية نسيت الكاميرات الموجودة كنت عصب اضحك نكت والعب وجن بدون مافكر اني بقسمة ونصيب ويمكن لهيك الناس حبتني ولقتني قريبة منن لان كنت أنا بدون أقنعة والحمدلله على محبة الناس اهم نعمة بالحياة
هل لقيتي الحب الحقيقي داخل فيلا قسمة ونصيب
مافيني جاوب عالسؤال احتراما لإدارة البرنامج لان ممنوع التسريبات وانا بفضل الناس تشوف الحلقات شوي شوي وتحكم كرمال مانحرق التطورات الجايي
علاقتك باسمر المشترك الاردني لافتي بالبرنامج وعم تحققوا ترند عالسوشيال ميديا شو سر هالشي
بصراحة أنا أول ماشفت اسمر دخل الفيلا حسيت انو رح نتفق ونكون كتير قراب مع بعض وخاصة كنت قول أنو بحب الشب الاسمر ويلي عندو صلعة فبس شفتوا قلبي دق وصرنا كتير قراب مع بعض واضح هالشي لهيك الناس تفاعلت وصرنا ترند انا واسمر وكتير سعيدة بردة فعل الناس ورسائل الدعم الي ولاسمر
التنمر والتعليقات السلبية على السوشيال ميديا كيف عم تتعاملي معها
بكل بساطة انا اخترت كون تحت الضو والشهرة ودايما هالشي رح يخلي الإنسان يتعرض لتنمر وتعليقات مش حلوة بصراحة بشوف الكتابات والتعليقات السلبية عادي لو مني ناجحة ومسيطرة ماحدا بيحكي فيي لا بشكل سلبي او ايجابي والتنمر بيدل على أخلاق الشخص وتربايتو وثقافتو
شو المشاريع المستقبلية القادمة ويلي عم تشتغلي عليها بعد البرنامج
في كتير مشاريع جايي وبلشنا شغل عليها مع فريق عملي والمفاجآت رح تكون تباعاً ورح تنزل عالسوشيال ميديا بقوة بشغل احترافي مميز ومارح اكذب عليك بتعرفوني صريحة دخولي البرنامج كمان ساعدني بالشهرة وعرف الناس عليي فسهل هالشي الطريق شوي للانطلاق بحلمي بعالم الفن فانتظروا وخلي عينكم على ساندرا
شو هيي رسالتك لكل شب وصبية لبنانية عندن يأس من الأوضاع الحالية
بقلكن انو خليكم قواية وماتيأسوا ولبنان اجمل بلد بالعالم بارضو ووطبيعتو الحلوة يلي بتجمع الجبل والبحر واهم شي نخلق الفرص ونعمل شي النا ونتمسك ببلدنا ونضل ايد وحدة
وكان لنا هاللقاء يلي حمل طموح وفن وثقافة مع ساندرا الأسمر
كتب سامي مبارك
