٢- بتنخلع tube من تمك لنص زلعومك، واصل لنص قصبة الهواء. يمكن يرحلك كم سن وضرس بهل حركة يلي مدتها ٥ ثواني. Welcome the the ICU.

٣-بتتخدر شوي وبتنحط على جهاز التنفس، يلي بيصير يتنفس عنك. ملاحظة: انت ٩٠%واعي انو مش انت عم تتنفس، وما قادر لا تحكي، ولا تتحرك.

٤- كل شي ساعتين، بيشفطولك البلغم يلي معبّا بالtube وبرواياك. بهل ساعتين، خرخر انت وبلغماتك.

٥- حضر حالك لتتشكشك ابر مصل بالايدتين، وعالاغلب بالرقبة كمان. الشكات لازم تتغير كل يومين او تلاتة حسب بروتوكول المستشفى، واول محاولة شك بتكون للمتمرن (ممرض او طبيب). هيدا غير الشكّات المتفرقة (الفحص اليومي والABGs وتوابعهم). في كمان tubes بينحطوا في كافة المخارج. ما في داعي ارسم صورة.

٦- انت معزول. تماما. شغل الممرض(ة) عندك محسوب عالتكّة. الحكيم(ة) بيقطع/بتقطع مرتين باليوم. اذا قطع(ت) اكتر، اعرف انو حالتك مش ولا بد.

٧- الtube مش لازم ينترك لايام عديدة لأن هيدا مؤذ إلك. الحل انو ينعملك tracheostomy. يعني شق خارجي للرقبة ومد الtube من الخارج. مش منظر ولا احساس صراحة.

٨- انت فتت مع كورونا، بس رح ترحب فيك هون جراثيم العناية. هول معلمي بيخلوك تقول يا محلاك يا كورونا. وما ادراك بالresistant to all.

٩- لنفترض انك صحّيت من العدوى، وتنفسك صار احسن، وشالولك الtubes، حان وقت علاج عوارض الكبد والكلى والقلب الخ... بالعناية الفايقة، كلو بينضرب.

١٠- بس تصح من كل هول، بتطلع عالطابق وبتتقبل زيارات، وبيعديك شي محب انفلونزا، وبتنزل عن جديد عالعناية. اكزاسربيشن يا عمي الحج.

هيدا كلو اذا ظبطت معك ولقيت محل بالعناية.

الخلاصة يا جماعة:
-الكورونا مش مزحة
-غسل ايديك بالصابون ومنييييح
-طهر ايديك
-اذا مشوار مش ضروري (يعني طارئ!!!)، ستين عمره ما يكون!
-بعّد عن البني آدمين، وبلا سلام ومباوسة وتعبيط هالفترة. خلي حنانك إلك، وفيروساتك كمان.
-الله لا يدوّق حدا قعدة عناية فائقة.
-سلام للمتعافين، صلاة للمصابين، ورحم الله