Maarakeh online logo

m66

33

fees

fss   aass

   
---->
في زمن الأنذال،،،، هنالك أبطال.... وأي أبطال؟


*المصدر: الإعلامي وسام نبهان*

*هذا ما حصل معنا حرفياً:*
قرابة الساعة الثامنة من مساء هذا اليوم، وأثناء تواجدنا في محلة البص عند مدخل مدينة صور ، مقابل الملعب البلدي، وبعدما اشتريت ما تيسر لي من خضار لشهر رمضان المبارك، ووضعتهم في سيارتي bmw boy مسجلة بإسمي مدفوع ميكانيك ٢٠٢١، فوجئت بوجود إمرأة مسنة أمام السيارة، نزلت منها وسألتها إشبك شي يا حجة؟! قالت سلامتك يا إمي، ناطرة إبني عم رنلوا وما عم برد،،، وبقيت ترنلوا كتير،،، هون قلتلها اعطيني رقموا لاحكيه،،،،،، اخدتوا ورنيتلوا ورد عليي،، قلتوا مرحبا كيفك قال الحمدلله، قلتلوا امك عم بترنلك صرلها منيح والدنيا ليل، قلي مين قلتلوا امك محل ما نزلتها وعأساس بدك تدبر صفة للجيب.... هون سكر الخط بوجهي وبطل يرد عليي كمان..... بعدها فهمت انو تركها وفل،،،، قلتلها حجة وين بيتك؟! دلتني وين، قلتلها انا بوصلك، قالت ما بدي عذبك معي، قلتلها ولو يا امي نحن اولادك،،، وسبحان الله على اساس طلعها وتجيب اغراضها واذ بحادث ادامي بعشرين متر صار،،، تلبكت انا بين الحجة والحادث لشوف شو السيرة، قلتلها يا امي لحظة،، وصلت عالحادث لقيتوا بسيط، ولكن يلي ضرب سيارة فيها بنات صار يطلع عليهم بالعالي لان معو موديل جديد، هون صارت قصتوا سلبطة،،، قلتلهم للبنات لحظة ورجعت لعند الحجة ووقفتلها تاكسي وقلتلها سامحيني يا امي خليني يسر امورهم متل ما يسرتك،، هون بلشت تدعيلي بعد ما حاسبتوا،،،،، ورجعت عالحادث والحمدلله حليت امروا بعد ما خبرت صاحب الجيب الموديل جديد اني رح رن لقوى الامن الداخلي، ورجع طراها وحكي حداد وحكيتوا انا، وعبوكرا انشاءالله بزبطلهم السيارة.....

الخلاصة: الإبن ترك امو بالشارع،،، الله بعتلها ايانا نكون سندها،،، والبنات ما معهم شب كمان الله بعتنا لنكون اخوة و سند الهم بمحنتهم.....

*الحمدلله على كامل نعمه......*

*رمضان كريم وكل عام وانتم بخير ....*


في زمن الأنذال،،،، هنالك أبطال.... وأي أبطال؟



Maarakeh Online footer logo

© 2018 Maarake Online

Powered by:VAST Logo